Во дербито на шеснаесеттото коло од италијанската Серија Б, Беневенто славеше над Парма со минимални 0-1.
За ,,Вештерите”, ова беше прв меѓусебен триумф на ,,Енио Тардини”, а воедно и прво во тековниот милениум.
Победничкиот погодок беше постигнат во првото полувреме, кога Франческо Форте (20′) се запиша во листата на стрелците по третпат сезонава.
Четиринаесет минути подоцна, Франко Вазкез биеше непрецизно од белата точка и испушти колосална шанса за израмнување на резултатот.
До крајот, гостите од Кампанија останаа со десетмина на теренот, откако директен црвен картон доби Хамза Ел Куакиби (80′).
Со новите три бода, Беневенто скокна на четиринаесеттата позиција, додека Парма го зазема осмото место.
