За првпат во тековната сезона, екипата на Виртус Ентела се наоѓа на плеј-аут позициите, така што успеа да излезе од ,,црвената” зона.
Имено, на претставниците на Лигурија им беа потребни 19 кола за да се тргнат од последните три места на табелата.
Најзаслужен елемент во подвигот на Ентела беше серијата од три победи без примен погодок што беше прекината минатата недела од Кјево.
Сепак, ,,Црните ѓаволи” одлично се опоравија од споменатиот пораз, така што денес ја совладаа Пиза со 2-1.
Фудбалерите од градот со Кривата кула поведоа во 22. минута со вториот овосезонски погодок на Антонио Карачоло.
Во продолжение, домаќините направија целосен пресврт преку дебитантскиот лигашки гол на Матео Брунори (42′ од пенал) и преку прецизниот удар на Илијас Куцупијас (78′).
📸 Twitter: Virtus Entella
