Динамо Москва дојде до седмиот триумф на последните осум пресметки, совладувајќи ги Кунлун Ред Старс со 3-2 после пенали.
Домаќините, потешко од очекуваното, поведоа во втората третина преку Владислав Кодола, а предноста ја удвои Сергеј Бојков на осум минути пред крајот.
Сепак, гостите приредија ,,пеколен” финиш во последните пет минути, кога Томаш Јурчо намали на 2-1, а Џејк Челиос донесе реми на шеснаесет секунди пред крајот на регуларниот дел.
Во пенал-серијата, единствените стрелци за претставниците на главниот град на Русија беа Дмитри Рашевски и Џордан Вил.
Во Западната конференција, Динамо скокна на четвртото место, додека Кунлун остана на претпоследната позиција.
