Во заостанатиот меч од единаесеттото коло од турската одбојкарска Султанлар лига, Ечачибаши без никакви проблеми го задржа стопроцентниот учинок.
Имено, избраничките на Ферхат Акбаш со максимален резултат славеа над Болу Беледијеспор и ја оправдаа фаворитската улога.
Домашниот состав беше убедлив во сите три сетови, чиишто резултат гласеше 25-16, 25-16 и 25-21.
Од победничките редови, најефикасни поединки беа Ханде Баладин со тринаесет и Ирина Воронкова со дванаесет поени.
На спротивната страна, единствената со двоцифрен број на поентирања беше Надија Кодала (13).
После тринаесет одиграни натпревари, Ечачибаши ја држи лидерската позиција на табелата, додека Болу се наоѓа на претпоследното место.