Третата, а воедно и последната, станица на овогодинешното издание на Тур д ски, после Вал Мустер и Тоблах, е италијанскиот ски-центар Вал ди Фиеме.
Според денешната програма, во северна Италија се одржаа последните трки од Тур д ски, на десет километри со масовен старт, по познатите висини на кои скијачите искачуваат дури 440 м.н.в..
Кај дамите, Еба Андерсон (36:45,6) победи за првпат во кариерата и го освои третото место во поредокот на Тур д ски. Второто место на Џеси Дигинс (+9,2) беше доволно за осигурување на титулата, а до првиот подиум во кариерата дојде Делфин Клодел (+32,6). На четвртото место се пласираше Јулија Ступак (+40,0), којашто го освои второто место на Тур д ски.
Кај мажите, Денис Спитсов го направи истото достигнување како Еба Андерсон, триумфирајќи денес за освојување на третото место во Тур д ски. Александер Болшунов (+13,3) заврши втор, но по вторпат во низа го освои престижниот Тур, а Морис Манифика (+15,2) беше трет денес, за вкупна втора позиција.
📸 Laurent Salino/Agence Zoom/Getty Images
