Битолски Еурофарм Пелистер и официјално го продолжи договорот со својот најдобар играч Стипе Мандалиниќ. Хрватскиот ас летоска го засили амбициозниот битолски суперлигаш и со своите одлични игри се наметна како лидер во екипата предводена од Жељко Бабиќ.
Мандалиниќ одигра 21 натпревар за екипата и веднаш стана миленик на битолските љубители на ракометот, а на Струшкиот турнир во август беше прогласен за најдобар ракометар.
Соработката со Еурофарм Пелистер ја продолжи на уште една сезона, односно до јуни 2022 година. Инаку се работи за 28-годишен ракометар кој во својата кариера играл за тимовите на: Карловац, Сплит, Загреб и Фуксе Берлин. Со хрватската репрезентација освои бронза на Светското првенство во Шпанија во 2013 година.
