Босанскиот прволигаш Вележ од Мостар дефанзивните проблеми ги решава со македонски стопер, а се работи за Константин Чешмеџиев. Фудбалерот има 24-години и последниве две години беше член на Шкендија.
Иако од тетовци имал понуда да остане во клубот, сепак се одлучил на интернационална кариера и во текот на утрешниот ден треба да се официјализира и да стави потпис со новиот клуб.
Чешмеџиев освен за Шкендија во Македонија настапуваше уште за: Работнички, Пелистер, Љубанци, Македонија Ѓорче Петров и Академија Пандев. Има исксутво и од репрезентативни настапи и тоа за У-21 националниот тим.
