Екипата на Лутон имаше одлична сезона во која стигна до плејофот на англискиот Чемпионшип и покрај високите квоти.
Главен столб во средниот ред на ,,Шеширџиите” во текот на целото првенство беше триесетгодишниот Кал Нејсмит.
Сепак, Шкотланѓанецот не го продолжи својот договор и го напушти ,,Кенилворт Роуд” после 61 настап и три погодоци.
Нејсмит остана во англиската втора лига и како слободен играч потпиша нов договор на три години со Бристол Сити.
,,Мислам дека е одлично тоа што успеа овој трансфер и навистина се чувствувам прекрасно што сум овде. Ова е голем клуб и чест ми е што сум дел од него.” – беа првите зборови на Нејсмит.
Досега, Шкотланѓанецот, во сениорска кариера, настапуваше за: Ренџерс, Акрингтон, Портсмут и Виган со позајмици во Кауденбит, во Партик Тисл и во Хартлпул.
Освен Нејсмит, популарните ,,Робинс”, во тековниот преоден рок, како слободен играч го доведоа и еден од најважните поединци на Оксфорд Јунајтед – Марк Сајкс.
