Минатата сезона, Блекпул покажа одлична игра и најави борба за плејофот во англискиот Чемпионшип.
Сепак, нивниот тогашен менаџер, Нил Кричли, одлучи да даде отказ и да замине во Астон Вила, како помошник на Стивен Џерард.
Неговото место го зазеде Мајкл Еплтон, кој доби отказ на 18 јануари, откако избори само една победа на единаесет средби.
Сепак, ,,Мандарините” експресно назначија нов водач на кормилото во името на Мик МекКарти.
Како играч, МекКарти ги бранеше боите на вкупно пет екипи од 1977 до 1992: Барнсли, Манчестер Сити, Селтик, Лион и Милвол.
Од друга страна, неговото тренерско ,,СиВи” е далеку побогато, при што, најдлабока трага остави во Ипсвич од 2012 до 2018.
Освен на актуелниот третолигаш, Ирецот двапати беше тренер и на репрезентацијата на Република Ирска, а до 2012, ги предводеше Милвол, Сандерленд и Вулверхемптон.
Од почетокот на пандемијата од КОВИД-19, МекКарти се задржа една неполна сезона во Апоел од Кипар и една полусезона во Кардиф.
