Деветтата трка од овогодинешната Мото 2 сезона се одвиваше денес во Асен, Холандија.
На неа, по третпат сезонава, триумфираше Раул Фернандез, кој остана на второто место во генералниот пласман со 31 поен заостаток во однос на клупскиот колега – Реми Гарднер.
Токму Гарднер денес се искачи на второто место, носејќи му 1-2 победа на ,,Ред Бул КТМ Ајо” по четврти пат на последните пет трки.
Третата позиција ја освои Аугусто Фернандез, кој беше второпласиран во поголемиот дел од трката и накрај успеа да се искачи на подиумот за првпат после 2019.
Сем Лоус беше четвртиот член на водечката група, а воедно и последен мотоциклист што заостануваше помалку од две секунди.
Во продолжение, сите останати возачи доцнеа над осум секунди во однос на Раул Фернандез, а од нив, во топ 10 се пласираа: Марко Беѕеки, Аи Огура, Хорхе Наваро, Чави Виерхе, Марсел Шротер и Челестино Виети.
