Трката за големата награда на Емилија Ромања во Мото 2 категоријата, доживеа прекин поради промена на временските услови и на условите на патеката.
Имено, возачите во оваа категорија немаат право да ги менуваат мотоциклите на сред трка, како нивните колеги од МотоГП, па затоа беа изложени црвените знамиња.
Пред прекинот, Италијанците ги заземаа првата, втората, четвртата и петтата позиција. Имено, на врвот беа Енеа Бастијанини и Лука Марини, а под нив се наоѓаа Марко Беѕеки и Фабио Диџанантонио. Единствен возач што се вметна помеѓу домашните натпреварувачи беше Шпанецот Чави Виерхе на третото место.
Рестартот беше ограничен на само десет кругови, а возачите стартуваа според редоследот пред прекинот.
На пет кругови до крајот, Марсел Шротер се бореше за второто место со Чави Виерхе и ненамерно го истурка Шпанецот надвор од патеката .
Накрај, Германецот се пласира на петтото место, а до победата дојде Бастијанини со речиси целосна соло-трка после вториот старт. Беѕеки го освои второто место за двојна италијанска победа на Мизано, а Сем Лоус беше третопласиран. Победникот на минатата трка, Лука Марини, беше третиот Италијанец што заврши во топ 4.



