Петтиот овосезонски велеслалом, односно втор во 2021 година, од Светскиот куп во алпско скијање во женска конкуренција се одржа денес во словенечкиот ски-центар Крањска Гора.
После првата серија, водечка во пласманот беше Микаела Шифрин, која потфрли во второто скијање и накрај заврши на шестото место (+1,27).
Сето тоа најдобро го искористи неприкосновената во велеслалом, Марта Басино, која триумфираше по четврти пат во сезоната. Воедно, Басино стана првата Италијанка со две врзани победи во велеслалом после Дебора Компањони во 1997.
На подиумот се пласираа единствените две скијачки со заостаток под една секунда, Швајцарката Мишел Жизен (+0,66) и Словенката Мета Хроват (+0,73).
Пласманот во топ 5 го комплетираа Лара Гут-Бехрами (+1,14) и Теса Ворли (+1,25).
📸 Christophe Pallot/Agence Zoom/Getty Images
