Светското првенство е собир на фудбалската елита од планетава, па затоа не е изненадување кога најбогатите и најусшешните клубови имаат една и пол постава претставници од своите играчи. До скоро се пишуваше дека Манчестер сити ја предводи таа табела, но не е така, води Баерн Минхен.
Баварците ќе бидат претставени со 17 фудбалери на Мундијалот во Катар, а зад нив се Манчестер сити и Барселона со по 16, но толку има и катарскиот првак, Ал Сад. Вкупно 302 клуба ќе имаат свои играчи во Доха, а тие доаѓаат од 56 различни првенства. Не е изненадување дека најмногу фудбалери доаѓаат од Премиерлигата, дури 136, а на второ место е шпанската Ла Лига со 83 играчи. Трета е Германија (76), па Италија (68) и Франција (54).
Домаќинот, Катар, како и Саудиска Арабија, ќе бидат единствените репрезентации со сите 26 играчи од домашното првенство, а веднаш до нив е Англија, која го има само Џуд Белингам од Борусија Дортмунд како интернационалец.
На првенството се повикани 830 фудбалери, а статистичарите пресметале дека голманот на Еквадор, Ернан Галиндес ќе мора да помине најдолг пат за да стигне до Катар, околу 15.000 километри од Сантјаго до Доха
