Екипата на Авангард Омск ја поседува најдолгата актуелна победничка серија во КХЛ со девет последователни триумфи.
Во рамките на денешната програма, ,,Јастребите” го поразија АК Барс Казањ со 2-1 после продолжение.
Од регуларниот дел, двата гола паднаа во третата третина при што Зијат Паигин погоди за домаќините, а Дмитри Воронков за гостите.
Од продолжението, на хокеарите на Авангард им беа потребни 74 секунди за да стигнат до двата бода, благодарение на Владимир Ткачјов.
Во Источната конференција, Авангард го задржа шестото место, додека АК Барс остана на седмата позиција.
