Англискиот рагбиски клуб Ворстер подготвува компетитивна екипа за наредната сезона, а нејзиното најново засилување е Италијанецот Ренато Џамариоли.
Џамариоли дебитираше за италијанската репрезентација во 2017 и оттогаш одигра пет натпревари за својата селекција.
27-годишниот играч од третата линија, во последните пет сезони ги бранеше боите на Зебре Парма, а претходно во кариерата настапуваше за Рагби Фраскати, за Ф.И.Р. Академи и за Калвизано.
„Ренато располага со фантастични способности. Неговото динамично носење и конфронтација во одбраната ќе ни помогне наредната сезона.“ – се огласи тренерот на Ворстер – Стив Дајамонд.
Освен Џамариоли, Ворстер се засили со уште еден Италијанец, Хаме Фаива, а исто така се избори за потписот на уште пет рагбисти – Куртис Лангдон, Камерон Нилд, Фергус Ли-Ворнер, Сантијаго Медрано и Валериј Морозов.
