Тимот на Холабрун на македонски интернационалци Влатко Митков и Никола Костески, забележа победа со 24-23 над лидерот Леобен во плеј-офот за пласман во најсилната лига во Австрија.
Најдобри на теренот беа македонските ракометари. Никола Костески беше најдобар играч на мечот и прв стрелец со 8 голови, додека Митков беше втор срелец во нивниот тим со 5 погодоци. Десното крило беше автор и на последните два гола за Холабрун со кои ја осигура победата на неговиот тим.