Петнаесеттото коло од НФЛ го донесе најголемото изненадување, кога Њујорк Џетс ја запишаа првата победа во 2020, совладувајќи ги моќните ЛА Ремс.
Истото коло беше затворено синоќа со уште една огромна сензација. Имено, Синсинати Бенгалс ги совладаа Питсбург Стилерс со 27-17, за првпат на домашен терен после седум години.
Стилерс имаа очајно прво полувреме со три изгубени топки, со два први дауни, со само четириесет вкупно освоени јарди и без постигнат поен.
Во овој интервал, Бенгалс запишаа седумнаесет поени преку двата тачдауни на Џовани Бернард и успешните шутеви на Остин Зајберт. Во второто полувреме, Бенгалс додадоа уште едно полагање со пробивање на квотербекот Рајан Финли и уште еден филд-гол во последните секунди.
Накрај, Финли го заврши мечот со само 89 освоени јарди со додавање, базирајќи ја играта на својот тим на трчањето, доволно за дополнителни 152 јарди.
Стилерс, во третата четвртина, постигнаа десет, а во четвртата – седум поени. Освен шутерот Крис Босвел, во листата на поентерите се запишаа Дионте Џонсон и Бени Снел.
Првиот меѓусебен пораз на Стилерс од Бенгалс после 1 ноември 2015, односно после единаесет врзани триумфи, ги остави на второто место во АФК, но ги израмни со Бафало Билс на 11-3. Од друга страна, Бенгалс (3-1-10) зад себе ги имаат само Џексонвил Џагуарс и Њујорк Џетс и итаат кон првите пикови на претстојниот драфт.
Во соработка со НФЛ Македонија



