Македонската тенисерка Лина Ѓорческа им се врати на натпреварувачките терени на најдобар можен начин – со победа на стартот од Челенџер турнирот во Роверето, Италија.
По тринеделна пауза, Ѓорческа одигра сигурен меч и со 2:0 во сетови (6:4, 6:3) ја совлада домашната претставничка Нурија Бранкачио, која важи за искусна тенисерка и моментално се наоѓа на 151. место на ВТА листата.
Со оваа победа, најдобрата македонска тенисерка го најави своето враќање во форма и уште една успешна серија на настапи на меѓународната сцена.




