Македонската репрезентативка Ели Јаковска која во изминатава сезона во ПЖФЛ заврши како најдобар стрелец со 80 гола или три во просек, а со својот клуб ЖФК Истатов беше вицешампионка на Македонија оствари трансфер во Турција за тимот на Конак Беледијеспор од Измир.
,,Најконкретни и најбрзи беа луѓето од Конак Беледијеспор од Измир кои ми понудија најдобри услови, а јас ја прифатив нивната понуда и следната сезона ќе настапувам во Турција. Со оглед на тоа што пред една и пол година настапував за Бешикташ јас добро ја познавам најдобрата турска лига и добро ги познавам клубовите кој се во голем подем и се надевам дека брзо ќе се адаптирам во новата средина. Мојата цел како и на клубот е да ја вратиме шампионската титула во Измир” – изјави Ели Јаковска за www.javisejuzna.mk.
Јаковска има искуство од интернационални настапи во тимовите на ЖФК Спартак Суботица од Србија, Бешикташ, Турција, Алстетен Јувентус, Швајцарија и Брезница од Црна Гора. Македонската репрезентативка е ,,шрафот” кој недостасуваше да Конак да го врати шампионскиот трофеј во своите витрини.



