Вториот индивидуален натпреварувачки ден во оваа сезона се одвиваше во Рука, Финска. На квалификациите во петокот славеше младиот Словенец Тими Зајц, кој на официјалното натпреварување заврши на солидната осма позиција. Ѕвезда на денот беше победникот Даниел Андре Танде кој славеше и претходниот викенд на отварањето во Висла. Танде, после првата серија се наоѓаше на седмата позиција, а со скокот од 142 метри во втората серија изби на врвот. На второто место заврши Австриецот Филип Ашенвалд, а веднаш зад него беше Анже Ланишек. Во првите десет завршија и Крафт, Хубер, Рјоју Кобајаши, Гајгер, гореспоменатиот Зајц, Херл и Маркенг.
„ Среќен сум со ваквиот старт. Првиот скок денес не беше баш најдобар, но сепак беше блиску до лидерите. Вториот скок веќе беше добар скок.” – рече Танде за ФИС Ски.
The winner: Daniel Andre Tande's second in jump today's FIS World Cup competition in #Ruka, Finland!#skijumping #FISskijumping #rukanordic pic.twitter.com/eEIolS4VOK
— FIS Ski Jumping (@FISskijumping) November 30, 2019



