На второто овосезонско источно дерби, Амур Хабаровск ја запиша и втората победа над Адмирал Владивосток, триумфирајќи со 3-2 после продолжение.
Во првата третина, Станислав Бочаров го постигна дебитантскиот погодок во новата средина и му донесе водство на тимот од Хабаровск.
Сепак, во вториот период, во интервал од четири минути, Александер Горшков и Рудолф Червени направија пресврт за гостите.
На една минута пред крајот на регуларниот дел, Иван Николишин израмни на 2-2, а после осумдесет дополнителни секунди игра, Никита Гребенкин им донесе два бода на ,,Тигрите”.
Во Источната конференција, Адмирал падна на петтото место, а Амур влезе во плејоф-зоната на осмата позиција.
