Екипата на Луко го запиша четвртиот меѓусебен триумф против Спорт, совладувајќи го со 5-2 во рамките на денешната програма од финската Лиига.
Спорт беше резултатски конкурентен противник во првата половина од натпреварот, кога водеше со 0-1, односно кога имаше реми во ,,рака” од 2-2.
Во тој период, за гостите, головите ги постигнаа Хенрик Ериксон и Теему Ваиринен.
На спротивната страна, двапати биеше Хенри Иконен, а по еднаш – Линус Ниман, Јере Карјалаинен и Никлас Илитало.
На табелата, Спорт остана на претпоследната позиција, додека Луко го презеде првото место.
