Екипите на Престон Норт Енд и Дерби Каунти се соочија во рамките на четириесеттото коло од тековната Чемпионшип сезона.
За Престон, ова беше вкупно пет илјадити професионален лигашки меч во нивната историја. Повеќе факти за ова достигнување, можете да најдете на следниот линк: https://javisejuzna.mk/interesni-fakti-vo-presret-na-5000-ligashki-natprevar-na-preston-vo-angliskiot-fudbal/
Што се однесува до натпреварот, Дерби стекна водство од 0-1 во осумнаесеттата минута, кога Вејн Руни од слободен удар од осумнаесет метри ја затресе мрежата на Деклан Руд. За Англичанецот, ова беше петти погодок во црно-белиот дрес. Токму овој резултат се испостави како конечен, а Дерби ја запиша третата победа во низа по рестартот на сезоната. За Престон, ова е шести пораз во последните седум лигашки дуели. На табелата, Дерби се искачи на седмата позиција со шеесет поени односно бод помалку во однос на шестопласираниот Кардиф, додека Престон е деветтопласиран со три поени помалку од денешниот соперник.
