Иако во второто коло од турската Ефелер лига загуби од новајлијата Девели, Зираат Банкаши се врати на победничките патеки во третата рунда.
Во најраниот саботен термин, новите освојувачи на Супер купот ги совладаа шампионите на втората лига од минатата сезона, Туршад, со 3-0.
Гостите пружија отпор во првиот сет, кој домаќините го добија со 30-28, но потполно беа надиграни во наредните две партии (25-14, 25-22).
Од поразениот состав, Матеуш Мика имаше девет поени, а по шест додадоа Хакан Полат и Марко Вукашиновиќ.
На спротивната страна, најефикасни со двоцифрен учинок беа Мартин Атанасов и Воутер Тер Маат со единаесет, односно со десет поентирања.
Со натпревар повеќе во однос на конкурентите, Зираат дојде на третото место на табелата, а Туршад остана на десеттата позиција.
