Првото коло од новата Чемпионшип сезона заврши триумфално за повратникот во втората лига – Вотфорд.
Имено, ,,Стршлените” од околината на Лондон, на својот ,,Викериџ Роуд”, го победија Шефилд Јунајтед со минимални 1-0.
Двете екипи пружија изедначен натпревар, кој беше решен преку Жоао Педро (56′) по асистенција на Исмаила Сар.
Новиот тренер на победничкиот состав, Роберт Едвардс, со триумф дебитираше како предводник во новата средина, продолжувајќи ја победничката низа од Форест Грин со кој, минатата сезона, беше шампион на Лиг 2.
На табелата, после едно коло, со исклучок на Вотфорд, по три поени имаат уште: Барнли, Кардиф, Блекбурн, Блекпул, Хал и Милвол.
