Викомб Вондерерс се првите финалисти на плејофот на Лиг 1, откако во полуфиналниот двомеч беа подобри од МК Донс.
Во првиот натпревар, на својот ,,Адамс Парк”, Викомб славеше со 2-0 и направи голем чекор кон ,,Вембли”.
Сепак, во вториот меч, МК Донс победија на домашен терен со минимални 1-0, кои не беа доволни за оправдување на фаворитската улога.
Донс доминираа во текот на цел дуел и имаа биланс на шутеви од 29-2, а единствен стрелец беше Трој Перот (26′).
Во финалниот меч, Викомб ќе бара експресно враќање во Чемпионшип, а ќе игра против победникот од дуелот помеѓу Сандерленд и Шефилд Венздеј.
