Единствениот синоќешен натпревар од НХЛ беше ,,мајсторката” помеѓу Вегас Голден Најтс и Минесота Вајлд.
Нивната меѓусебна осмина-финална серија беше израмнета на 3-3, а синоќа, пласман во четврт-финалето обезбедија Голден Најтс, кои славеа со 6-2.
После првите 25 минути игра, резултатот гласеше 2-2, со тоа што Вегас поведуваше двапати, а Минесота успеваше да ремизира.
Сепак, во втората половина од натпреварот, домаќините постигнаа уште четири голови и на тој начин ја добија серијата.
Единствени стрелци за Вајлд неа Зек Парис во првата и Кирил Капризов во втората третина.
На спротивната страна, хет-трик забележа Матијас Јанмарк, а по еднаш во листата на стрелците се запишаа Никола Хаг, Макс Пачорети и Зек Вајтклауд.
Во наредната фаза, Вегас ќе се соочи со Колорадо Аваланш, кои ги елиминираа Ст. Луис Блус со вкупни 4-0.
