На првиот меѓусебен дуел во 2022, Вегас Голден Најтс ги поразија Детроит Ред Вингс со 1-4.
После неполн половина час игра, ,,Златните витези” имаа водство од 0-2, стекнато преку Џек Ајхел и преку Џонатан Маршесолт.
Набргу, Оскар Сундквист искористи една пауер-плеј ситуација и го преполови дефицитот на домашниот состав.
Сепак, до последниот звук на сирената, Фил Кесел и Рајли Смит ја затресоа мрежата на Виле Хусо за поставување на конечниот резултат.
Во Источната конференција, Детроит падна на деветтото место, додека Вегас изби на врвот на Западот со новите два поени.
