Синоќа, ЛА Кингс ги поразија Нешвил Предаторс со убедливи 6-1 и ја запишаа првата меѓусебна победа после 13 октомври 2019.
Домаќините стекнаа убедливо водство од 3-0 уште во првата третина преку Адријан Кемпе, Артур Калијев и Тревор Мур.
Во вториот период, Предаторс намалија на 3-1 благодарение на Филип Томасино, кој беше единствен што ја затресе мрежата на Џонатан Квик.
Сепак, во завршниот дел, двоен голгетер за тимот од Лос Анџелес беше Квинтон Бајфилд, а по вторпат во листата на стрелците се запиша и гореспоменатиот Кемпе.
На табелата на Западната конференција, двете екипи имаат по 78 бодови и ги држат петтата и шестата позиција.