Серијата од шест победи на Тампа Беј Рејс беше прекината синоќа од страна на Торонто Блу Џејс.
Имено, канадските претставници пристигнаа во Флорида и ги поразија актуелните вицешампиони со 1-3.
Блу Џејс постигнаа еден поен во третиот и два во четвртиот ининг, додека домаќините поентираа само во последниот период.
Единствен поентер за ,,Ражите” беше Брендон Лоу, кој го постигна својот 21. хоум-ран во сезоната.
На спротивната страна, Дани Џенсен ја однесе топката на трибините, а по четири бази освоија Теоскар Хернандез и Лурдес Гуриел.
Освен нив, важен дел во победата на Блу Џејс имаше фрлачот Роби Реј, кој запиша единаесет страјк-аути за седум ининзи.
Со оваа победа, Торонто (45-42) скокна на седмото место во Американската лига, додека Рејс (53-37) ја заземаат четвртата позиција.
