По третпат во низа на гостински терен на меѓусебните дуели, Далас Маверикс запишаа победа над Портланд Трејл Блејзерс, откако синоќа славеа со 112-132.
Гостите од Тексас водеа во текот на цел натпревар, а фаворитската улога ја оправдаа уште во првата четвртина, кога стекнаа двоцифрено водство.
Од победничките редови, Лука Дончиќ имаше трипл-дабл учинок од 15 поени, од 10 скокови и од 15 асистенции.
Од неговите соиграчи, дабл-дабл запиша Џејлен Брансон (20 поени и 11 асистенции), а Криштапс Порзингис беше најефикасен со 22 кошеви.
На спротивната страна, во нападот најдобро се покажаа Си Џеј МекКолум и Анферни Симонс со 20, односно со 23 кошеви.
Во Западната конференција, Далас (28-21) го зазема петтото, а Портланд (20-28) – десеттото место.