Богатата синоќешна НБА програма пружи вистински дванаесет шутерски спектакли, од кои, единствено Торонто Рапторс не постигнаа трицифрен број на поени.
Сепак, дербито на денот го одиграа претендентите за врвот на Истокот – Бостон Селтикс и Милвоки Бакс.
Накрај, во трилер-завршница, Селтикс успеаја да слават со 122-121.
По почетното водство на Бакс, Бостон успеа да направи пресврт и да дојде на +17 кон крајот на третата четвртина. Во последниот период, Јанис Антетокумбо беше привиден херој со 18 поени во десетина минути. Победата на Бостон му ја донесе Џејсон Тејтум, кој погоди тројка на 0,4 секунди до крајот за 122-120.
Во последните десетинки од мечот, Антетокумбо имаше шанса преку слободни фрлања да му донесе барем продолжение на својот тим, но беше прекраток при вториот обид.
Сепак накрај, Антетокумбо имаше дабл-дабл учинок од 35 поени и 13 скокови, а освен него, до две двоцифрени статистики стигна и неговиот соиграч Крис Мидлтон (27 поени и 14 скокови).
Кај Бостон, Џамал Браун (33 поени) и Џејсон Тејтум (30 поени) беа најефикасни кошаркари на паркетот со зелен дрес.
