Трактор Чељабинск избори финале на Источната конференција, откако во конференциското полуфинале го елиминира Салават Јулаев Уфа со 4-2.
Во шестиот натпревар од меѓусебната серија, ,,Мечките” победија на гостински терен со резултат од 1-2.
Трактор ја стекна клучната предност во втората третина, кога Ник Бејлен и Вјачеслав Основин погодија за водство од 0-2.
Во третиот период, почесен гол за Салават постигна Александер Кадејкин на четири минути пред крајот.
Важна алка во триумфот на Трактор беше и голманот Роман Вил, кој одбрани 34/35 противнички шутеви (97,14%).
Во наредната фаза, клубот од Чељабинск ќе игра со победникот од дуелот помеѓу Авангард Омск и Металург Магнитогорск.
