Едмонтон Оилерс се наоѓаат во негативна серија од шест порази, откако синоќа добија ,,петарда” од Торонто Мејпл Лифс со 1-5.
Заклучно со втората третина, гостите водеа со 0-3 со головите на Остон Метјус, на Вејн Симондс и на Ти Џеј Броуди.
На стартот на третиот период, Колтон Сивиур го намали дефицитот на Оилерс со својот прв гол во новата средина.
Воедно, Канаѓанецот беше единствен поединец, кој успеа да го совлада голманот Џек Кемпбел, односно човекот што запиша 35/36 одбранети шутеви (97,22%).
До крајот, Морган Рајли зголеми на 1-4, а конечниот резултат го постави Метјус, со својот втор погодок на мечот.
На Истокот, Торонто го држи првото место, додека Едмонтон се спушти на осмата позиција во Западната конференција.
