Во првиот натпревар од вчерашната НХЛ програма, Торонто Мејпл Лифс славеа над Филаделфија Флаерс со 4-3.
После првата третина, гостите водеа со минимални 0-1, откако Ентони ДеАнџело го совлада Илја Самсонов во петтата минута.
Сепак, во продолжение, Канаѓаните нападнаа и дојдоа до 4-1 со головите на: Кале Јарнкрок, Митч Марнер, Мајкл Бантинг и Вилијам Ниландер.
До крајот, Флаерс успеаја да приредат ,,пеколна” завршница бидејќи Морган Фрост и Џоел Фараби постигнаа по еден погодок во интервал од 83 секунди, но тоа не беше доволно ниту за реми.
Во Источната конференција, Торонто скокна на втората позиција, додека Филаделфија го зазема претпоследното место.
