Во осминафиналната серија на НХЛ, Торонто Мејпл Лифс израмнија на вкупни 1-1 против Тампа Беј Лајтнинг, добивајќи го вториот дуел со убедливи 7-2.
Во првата третина, Канаѓаните поведоа со 3-0, пред Иан Кол да намали на 3-1, а потоа следуваа уште три гола на домаќините, кои му претходеа на вториот погодок на Лајтнинг, постигнат од Кори Пери за 6-2.
Од домашните редови, хет-трик постигна Џон Таварес, двапати реализираше Митч Марнер, а по еден гол дадоа Вилијам Ниландер и Зек Естон-Рис.
Третата пресметка е закажана за два дена, а истата ќе се одигра во Тампа, Флорида.
