Кливленд Кавалирс го запишаа вториот пораз во низа, откако синоќа загубија со 117-104 од Торонто Рапторс.
Кавалирс го започнаа мечот со серија од 10-5, но во продолжение, Рапторс поведоа и го задржаа водството до самиот крај.
Дабл-дабл од поразениот состав направија Кевин Лав (12 поени и 10 скокови) и Дариус Гарленд (18 поени и 10 асистенции), а најефикасен беше Лаури Марканен со 20 кошеви.
Кај тимот од Канада, најрасположени во нападот беа Крис Бушер со 17 и Паскал Сијакам со 35 поентирања.
Во Источната конференција, двете екипи имаат ист учинок од 41-32 и ја делат шестата позиција.
