Тампа Беј Лајтнинг станаа старо-новите шампиони на НХЛ, откако во овосезонското финале ги совладаа Монтреал Канадиенс со вкупни 4-1.
За Лајтнинг, ова е вкупно трета титула во историјата, односно втора во низа.
Тимот од Флорида стана првиот шампион што успеал да го одбрани тронот, после Питсбург Пенгуинс во 2015/16 и во 2016/17.
Во петтиот меч од финалната фаза, ,,Молњите” ги поразија канадските претставници со минимални 1-0.
Стрелец на единствениот погодок беше Рос Колтон на шест минути пред крајот на натпреварот.
Голманот на Тампа, Андреј Василевски, го запиша петтиот шут-аут во тековниот плејоф, одбранувајќи ги сите 22 противнички шутеви.
На патот до финалето, Лајтнинг беа подобри од Флорида Пантерс (4-2), од Каролина Хурикејнс (4-1) и од Њујорк Ајландерс (4-3).
Од друга страна, Монтреал ги елиминираше Торонто Мејпл Лифс (4-3), Винипег Џетс (4-0) и Вегас Голден Најтс (4-2).
Во плејофот, петте најефикасни хокеари доаѓаа од редовите на Тампа: Никита Кучеров (32 поени), Брејден Поинт (23), Стивен Стамкос (18), Виктор Хедман (18) и Алекс Килорн (17).
