Во рамките на десеттото коло од тековната НФЛ сезона беше одигран првиот историски натпревар на германско тло.
Имено, во ,,Алијанц Арена”, Тампа Беј Баканирс ги надиграа Сиетл Сихокс со резултат од 21-16.
Заклучно со петтата минута од четвртата четвртина, номиналните домаќини имаа водство од 21-3 и им дозволија почесни тринаесет поени на своите ривали до крајот.
Сихокс ја базираа својата игра низ воздухот при што, тачдаун постигнаа Маркис Гудвин и Тајлер Локет, а квотербекот Џено Смит уфрли 275 јарди од 23/33 обиди.
На другата страна, Том Брејди имаше 258 јарди од 22/29 обиди и два уфрлени тачдауни кон Хулио Џонс и кон Крис Гудвин.
Со трчање, топката во енд-зоната ја внесе Леонард Фурнет, кој имаше и едно пресечено додавање, а со пробивање, Рачаад Вајт имаше 105 јарди.
Во Националната конференција, Сиетл (6-4) падна на петтото, а Тампа Беј (5-5) дојде на седмото место.
