За првпат после две децении, Стокпорт Каунти оствари гостинска победа над Свиндон Таун.
Имено, во триесет и осмото коло на англиската Лиг 2, избраниците на Дејв Челинор славеа на ,,Каунти Граунд” со минимални 0-1.
Домаќините останаа со десетмина на теренот уште во првата минута, кога Џејкоб Вејклинг доби директен црвен картон, а изборениот пенал го промаши Патрик Меден.
Сепак, гостите, очекувано, ја презедоа целосната контрола во свои раце и триумфираа со голот на Рајан Кроусдејл (80′) на десет минути пред крајот.
Доминацијата на популарните ,,Хетерс” беше обелоденета и со фактот дека поразениот тим не упати ниеден шут.
На табелата, Свиндон падна на единаесеттата позиција, додека Стокпорт скокна на петтото место.
