Во првото коло од германската 2. Бундеслига, Ст. Паули на домашен терен го порази Нирнберг со 3-2.
За претставниците на Хамбург, ова беше шеста победа на последните десет меѓусебни пресметки при што не знаат за пораз уште од 8 мај 2016.
Фудбалерите на Ст. Паули ја завршија целата работа уште во првото полувреме, кога трипати ја затресоа мрежата на Кристијан Матенија преку Џексон Ирвајн (24′), Леарт Пачарада (п. 37′) и Лукас Дашнер (39′).
Во вториот дел, гостите возвратија брзо, благодарение на дебитантскиот погодок во новата средина на Квадво Дуа (46′), а конечниот резултат го постави Енрико Валентини (90+3′) со еврогол во судиското продолжение.
Освен Ст. Паули, во досегашниот дел од првата рунда, победи запишаа уште Каисерслаутерн, Сандхаузен и Регенсбург.
