Милвоки Бакс синоќа ги поразија Кливленд Кавалирс со 112-104 и ја запишаа осмата меѓусебна победа во низа.
Во текот на мечот, Кавалирс пркосеа само во првата четвртина, а во останатите три квартали, Бакс го држеа резултатот под контрола.
Двајца кошаркари од победничките редови постигнаа дабл-дабл учинок, односно Јанис Антетокумбо (27 поени и 12 скокови) и Боби Портис (10 поени и 16 скокови).
Во учинокот на Антетокумбо има голема симболика бидејќи Гркот ги постигна сите 27 поени во 27 минути игра на својот 27. роденден.
На спротивната страна, најефикасни со 25, односно со 20 кошеви беа Џерет Ален и Лаури Марканен.
Милвоки (16-9) го презеде третото место во Источната конференција, додека Кливленд (13-12) се наоѓа на десеттата позиција.
