Сиетл Маринерс се покажаа како вистински кошмар за Оукленд Атлетикс, откако синоќа ги поразија со 2-4 и им го нанесоа шестиот меѓусебен пораз во низа.
Во пресрет на овој дуел, Оукленд имаше серија од пет врзани победи, но прекинот на истата беше најавен уште во третиот ининг, после кој, Маринерс дојдоа до предност од 1-3.
За победничкиот состав, во овој период, по четири бази освоија Дилан Мур, Старлинг Марте и Џеј Пи Крофорд, додека Чед Пиндер поентираше за домаќините.
До крајот, Митч Ханигер (Сиетл) и Елвис Андрус (Оукленд) ги променија бројките на семафорот со трчање, а воедно и го поставија конечниот резултат.
За Маринерс, одлична партија одигра и стартниот фрлач, Тајлер Андерсон, кој освои седум страјк-аути и допушти само еден поен за седум ининзи.
На табелата на Американската лига, двете екипи се залепени една до друга со тоа што Оукленд (82-68) ја зазема седмата, а Сиетл (81-69) – осмата позиција.
