Во првите пет кола од новата НРЛ сезона, актуелните вицешампиони, Парамата Илс, запишаа само една победа и тоа против бранителите на титулата – Пенрит Пантерс.
Сепак, во петтата рунда, ,,Јагулите” се вратија на губитничките патеки, откако беа поразени со 28-20 од Сиднеј Рустерс.
Гостите направија серија од 12-0 во последните четири минути за да го поправат впечатокот и да ја ублажат својата загуба.
За нив, Митчел Мосес ги погоди сите четири шутеви, а по еден есеј имаа Клинтон Гатерсон (43′), Бејли Симонсон (76′) и Маика Сиво (78′).
На спротивната страна, Сем Вокер имаше четири прецизни удари, а топката во противничката енд-зона ја внесоа Дру Хатчинсон (13′), Даниел Тупу (32′), Лук Кири (38′, 71′) и Џексон Пауло (54′).
На табелата, Парамата го држи претпоследното место со подобар учинок само од Вестс Тигерс, додека Сиднеј скокна на четвртата позиција.
