По изненадувачкиот пораз на Германија од Јапонија со 2-1, Шпанија направи голем чекор кон пласман во нокаут-фазата од групата Е.
Имено, Шпанците го презедоа првото место на табелата после првото коло, откако ја декласираа Костарика со 7-0.
Европската селекција имаше потполна контрола на играта во текот на сите деведесет минути и ја остави Костарика без ниеден шут.
Од редовите на ,,Црвената фурија”, двоен стрелец беше Феран Торес (п. 31′, 54′), а по еднаш реализираа Дани Олмо (11′), Марко Асенсио (21′), Гави (74′), Карлос Солер (90′) и Алваро Мората (90+2′).
Низ историјата, ова е петти меч на СП, кој завршил со 7-0 и прв после 2010, кога Португалија ја порази Северна Кореја со ист резултат.
На овој натпревар, Шпанците дојдоа и до јубилејниот стоти гол на Светските првенства и влегоа во избрана елита: Бразил (229), Германија (227), Аргентина (138), Италија (128) и Франција (124).
