Актуелните шампиони, Милвоки Бакс, ја отворија новата НБА сезона со триумф над составот на Бруклин Нетс од 127-104.
Претставниците на Висконсин имаа водство во текот на цел натпревар, кое се издигна до +19 уште во првата четвртина.
Најефикасен поединец кај домаќините беше Јанис Антетокумбо со дабл-дабл учинок од 32 поени, од 14 скокови и од 7 асистенции.
Од неговите соограчи, по 20 поени уфрлија уште Пет Конахтон и Крис Мидлтон.
На спротивната страна, во отсуство на невакцинираниот Кајри Ирвинг, Кевин Дурент имаше речиси идентичен учинок како и најголемата ѕвезда на Бакс со 32 кошеви и со 12 скокови.
Веднаш по него, на листата на стрелците следуваа Пети Милс (21) и Џејмс Харден (20).
