Неколкудневната пауза на КХЛ поради репрезентативниот ,,Чанел 1 Куп” беше прекината денес со вкупно четири дуели. Еден од нив го одиграа две екипи што се во блиска борба за влез во плејофот на Западот – Витјаз Подолск и Јокерит.
Момците од Подолск успеаја да врзат две победи во КХЛ, а воедно и по вторпат во во историјата да го совладат денешниот ривал на домашен терен, откако славеа со 2-1.
По неефикасната прва третина, следуваше втората во којашто домаќините ја стекнаа капиталната предност од 2-0 со головите на Александер Сјомин и на Михаил Смолин.
Јокерит иако доминираше преку цел натпревар, накрај успеа само да го преполови својот заостаток на неполни шест минути пред крајот преку Марко Антила.
Неверојатен, а воедно и најзаслужен за победата на Витјаз беше голманот Антон Тодиков со сензационални 52 одбрани!
После денешната средба и двете екипи имаат по 39 поени и ги заземаат осмото и деветтото место во Западната конференција.
