Во четвртфиналето на хокеарскиот олимписки турнир, изненадувачки, Словачка ги елиминираше САД со 3-2 после пенали.
Во дванаесеттата минута, Словачка поведе преку 17-годишниот Јурај Слафковски, но заклучно со средината на вториот период, Ник Абруцезе и Сем Хенџес направија пресврт за САД.
Иако се чинеше дека Американците ќе изборат пласман во полуфиналето, Словаците не се предадоа и израмнија на 2-2, благодарение на Марек Хривик на 44 секунди пред крајот.
Во пенал-серијата, голманот на европската селекција, Патрик Рибар, ги одбрани сите пет удари на САД, додека, победоносниот гол за Словачка го постигна Петер Чегларик.
Со оглед на фактот дека на ЗОИ не настапија хокеарите од НХЛ, САД се најдоа во делумно ранлива позиција и ја завршија авантура на неславен начин.
