Во последното коло од регуларниот дел на турската одбојкарска Ефелер лига, Зираат Банкаши го декласираше Чизре со 3-0.
На натпреварот, кој траеше само еден час, домаќините беа убедливи и ги добија трите сета со 25-13, со 25-14 и со 25-16.
Од гостинските редови, со десет поени, најефикасен беше Светослав Иванов, а уште осум додаде Јулиен Винкелмилер.
Кај победничката екипа, поентираа единаесет поединци, од кои, најрасположени во офанзивата беа Воутер Тер Маат (10), Бени Туинстра (7) и Мартин Атанасов (7).
На табелата, Зираат го освои второто место, додека Чизре успеа да влезе во доигрувањето како осмопласиран.
