Во второто полуфинале на шкотскиот ФА Куп, по 429. пат во историјата, силите ги одмерија најголемите ривали од Глазгов – Селтик и Ренџерс.
Двете екипи го одиграа популарното ,,Олд Фирм дерби” во рамките на купот по 53. пат, а како победник со 1-2, после продолженија, излезе тимот на Ренџерс.
За ,,Полицајците”, ова беше 168. победа над градскиот ривал и воедно 18. во ова натпреварување.
На мечот, почетна предност стекна Селтик со голот на Грег Тејлор (64′), чијшто шут беше благо изместен од Калвин Беси, но доволно за да го измами голманот Џон МекЛохлин.
Четиринаесет минути подоцна, номиналните гости ја крунисаа подобрата игра со израмнувачки гол, кој беше дело на џокерот од клупата – Скот Арфилд (78′).
Во дополнителниот период, темпото на играта драстично опадна, но ,,Сините” дојдоа до предност, откако Карл Старфелт (114′) ја затресе својата мрежа.
Во финалето, Ренџерс ќе ги одмерат силите со Хартс и ќе се обидат да дојдат до првата куп титула после 2009.
